Olatz Grijalba Aseguinolaza
Eider Camarero
Mikel Diaz de Ilarraza
Arritokieta Eizaguirre
Celia Lana
Nagore Urrutia
Egoitza eraikinen birgaitzerako politiken eraginaren azterketa kritikoa da ikerketa honen azken helburua. Politika hauek, integralak diren esku-hartzeak lehenesten dituzte bereziki, integraltasun hori, hobekuntza energetikora, irisgarritasunera eta segurtasunera mugatuz.
Badira ordea funtsezkoak diren beste arlo batzuk, estrategia hauetatik kanpo geratzen ari direnak, eraikitako ondarearen babesa edo hirien desoreka sozialaren arintzea, esaterako.
Ikerketa proiektu honek, lau urteko ibilbidea aurreikusten du. Lehenengo urte hau, testuingurua zehaztu eta EAEko hiriburuetako baten (Donostia) datuak biltzeko erabili da. Aipatutako hiru alorretako datuak bilatu dira: birgaitze esku-hartzeak, etxebizitza eraikinen ondare babes maila eta zaurgarritasun indizeak. Informazio hori, GIS bezalako baliabide informatiko batean elkartu da.
Hiru alorretako datuen hastapeneko uztartze honetan, hainbat ondorio azalerazten dira lehenik; nola banatu dira birgaitzeak babestutako ondarearen artean, eremu zaurgarrietan nola banatu diren diru-laguntzak, zein deialdietatik iristen dira birgaitzetarako diru laguntzak.